top of page
裕雅苑 YU NGA COURT
東涌怡東路8號
面積
555呎
戶型
3房1廁
風格
日本和式風
日本和式風
和式設計係十分注重簡約整潔既風格，避免過多既裝飾及細節。所以KIWI設計師亦都需要選擇合適既收納方案，設計出簡潔線條既傢俬，及以確保整間屋既感覺令人覺得整齊有序、舒適且具有自然和現代感，以下係呢間屋既設計重點
五門歸心間隔的設計阻礙
今次單位既客飯廳間隔本身係屬於五門歸心類型(大門、2間睡房門、書房門、浴室門同時出現係客飯廳)，而呢種間隔會增加設計既複雜性，因為不同既門口位置都會阻礙傢俬擺放既靈活度，而且於同一空間內出現5隻門亦會大大破壞整體觀感。
因此係考慮此類間隔設計時, KIWI設計師決定將客飯廳前後兩幅牆既房門都以左右單邊弧形線條, 形成左右對稱、和諧簡潔既特色牆。
而大門則選用了與C字櫃同一款既木紋飾面做出暗門效果，咁就可以令整體觀感上少了一隻門，最後就可以呼應出整間屋簡約整潔既和式風格。
淺木色傢俬配上仿石紋飾面
書房選用淺木色傢俬元素以營造出溫暖自然既氛圍，而KIWI設計師同時亦特意地配上仿石紋飾面，令書房除左可以加增添一種和式庭園既自然氣息，亦創造出另一方面既莊重及穩定感，與木色元素形成對比，令書房整個空間更加豐富多樣。
和式設計木框趟門
廚房木框趟門用上和式設計作為廚房及客飯廳兩個空間既分隔，同時亦能實現不同空間之間既連接，可以隨意打開或關閉，令室內空間更加靈活多變。而和式趟門一般都係十分注重線條既簡潔以及比例既平衡，採用直線和簡 單既幾何形狀來追求均稱、謙遜既美感。
和式趟門通常使用和式紙張或薄木板製作，但因為KIWI設計師考慮到香港天氣容易潮濕，所以決定使用條子玻璃代替，可以有同時保持左廚房隱蔽性，又允許光線透過，創造出柔和既燈光效果。
廚房選用了昭和時代色系
為左配合整間屋既和式設計，KIWI設計師決定於廚房選用深木色調既櫃身飾面再配上凹凸粗粒感既淡茶色牆身磚，完全可以營造出自然、溫暖既日本昭和時代色調，帶出一種愜意與寧靜感。
More photos
Rendering
bottom of page