top of page
名城 Festival City
大圍美田路1號
面積
741呎
戶型
3房2廁
風格
北歐簡約風
北歐簡約風
今次項目既戶主係一對喜歡簡約風既年輕情侶，而且想將整個單位打造成智能家居。今次KIWI HOME設計師決定以北歐簡約既風格去為佢地打造出理想既屋企。設計師主要係以自然色調、簡潔柔和線條、開放式通透佈局呢幾方面入手，令整體空間配搭出一種清新明亮及自然溫暖既感覺。
玄關隱藏工人房
原則有好多陣位，係玄關做咗假天花，修飾凹凹凸凸既陣位，再加埋嵌入式磁吸路軌燈，令玄關位光線同線條感都有所提升。本身單位玄關位置都比較長 ，加上工人房原則空間有限，所以設計師特意升高地台，地上俾工人休息，地台下方就可以用作儲物，然後利用地台再延伸一個換鞋座位到玄關，巧妙地將兩個空間 設計融合一齊。
客廳獨有的質感
係客飯廳特色藝術漆牆身嘅暗門後面，其實係一間主人房，用暗門嘅原因係為咗主人房門同藝術漆牆身保持一致性，令客廳更廣闊簡潔同乾淨俐落。
飯廳
飯廳以儲物空間為主，根據客戶嘅習慣同需求，kiwi home 既設計師係儲物櫃旁邊設計咗一個俾男戶主小酌微醺既角落，上方做左滲燈層架擺放陳列酒，下方做咗個弧形收納櫃，做弧形嘅原因，係因為要擺放比較深嘅酒櫃，令整組櫃睇起黎比簡潔，融合返成個簡約風。
整個客飯廳既特色地方，就係弧形假天花再配上依幅特色牆，用咗藝術漆黎增添牆身質感，成為客飯廳既焦點。另外梳化旁仲有一個中腰櫃，係用來放鞋嘅 ，設計師係上方再加一盞壁燈，係牆身打出來交錯嘅光線，令到依個角落都能散發出獨有嘅魅力。
主人房
由於兩位都有一個Home Office既需要，所以係主人房近門口嘅位置，做咗一個工作區域，設計師係書枱牆板同床尾電視牆後，有部分嘅位置係用咗藝術漆，呼廳客飯廳嘅設計。
另外，工作區域見到有一大組嘅衣櫃，完全可以滿足到依對情侶嘅儲物需要，而延伸到床頭位置，因為床邊已經有工作區域，所以為咗爭取更多空間，床頭櫃就以弧形設計，減少上落床時嘅壓迫感，提升房間流暢線條，營造出柔和溫馨嘅氛圍。
主人房廁所嘅設計都好特別，係做咗雙面暗門嘅設計，仲有做咗掛牆式面盤水龍頭同鏡櫃，而鏡櫃後方更加用上咗特色牆嘅設計。加上戶主喜愛智能空間，所以一定唔少得智能坐廁，係淋浴間嘅位置，就採用咗純白窄邊浴缸同梗玻璃浴屏，營造一種整 潔嘅空間。
廚房
廚房本身空間不大，設計師都盡量用盡每個空間，所以上下方都做咗儲物空間，仲有牆磚都一改以往用紋理嘅牆磚，採用低調嘅素色大磚，減少縫隙，更容易清潔打理，配合整體單位嘅風格。
客廁
客廁方面，用咗暗門設計，空間亦好充足，由於廚房放咗坐地式洗碗機，令到無位擺放洗衣機，所以將洗衣機放係客廁，更方便洗衫。
More photos
Rendering
bottom of page